SHD. NSANG AWNG LA CFFC SHING JAWNG POI HTA DANG LA

Amerikan Sinpraw Dingdung daw na Delaware Mare kaw October (13) ya shani galaw ai Mixed Martial Arts (shr) Cage Fury Fighting Championship (CFFC) shingjawng poi hta Wunpawng Myu Sha rai nga ai Nsang Awng La kawn shi a shingjawng masha hpe dang la lu sai lam shiga na chye lu ai.
Mungkan kawn “The Burmese Python” ngu nna shakawn shaga ai Shd. N Sang Awng La kawn n dai shing jawng poi hta shing jawng manang rai nga ai Iowa mungdaw na Jason Louck hpe ya htwi, gamu galau nna dang la wa ai re lam na chye lu ai. Shing jawng poi hta N Sang Awng La kawn Jason lahtum ai lam ni hpe shawng hkam sha lai wa sai raitim, N Sang Awng La kawn tau su su rai Jason hpe jut de pat tawn nna Jason a sinda ang ang gaw lahtum dat ya ai kawn Jackson wa machyi hkrum wa nna, dai kawn N Sang Awng La gaw lapai, lahkra ni hte matut manoi lahtum dat ai majaw Jason wa n mai shamu hkra galau taw mat wa ai lam hpe mu chye lu ai.
Asak (27) ning sha naw re Shd. N Sang Awng La gaw ndai shing jawng poi kaw na lu ai ja gumhpraw yawng hpe ya ten Jinghpaw Mung kata majan a majaw tsim yam hkru sha nga ai hpyen yen tsim yam ni hpe garum mat wa na lam hpe mung mung shi a website kawn tsun shana n dau lai wa sai lam hpe na chye lu ai.

Maigan Shiga

August 2014
Mo Tu We Th Fr Sa Su
28 29 30 31 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

fbook youtube fliker