TING YING A HPYEN LA NI SHY. ROI SAN HPE A DUP ZINGRI

November (11) ya bat langai ya shani, Sadung Ginwang, Chyinghtawng Pa Buga ni a Chyeju shakawn hpawng hta wa shang lawm ai Dakasu Jawngma Dashi Roi San (Maths First Year) ngu ai Jawng Num kasha hpe, Hkarum mahkrai kaw gumhpraw hta sha na nga ai Zahkung TIng Ying a hpyenla (4) gaw, gyit majaw da nna bye ai hte htawng ai hte rai nna, KIA ni a Kaichyan re ngu tsun nna, jawm zingri ma ai lam shiga na lu ai. Ndai zawn Shayi sha Dashi Roi San hpe jawm jep zingri shakyin taw nga yang, Hpung Sara ni lai wa hkrup nna hkam shaw la ai lam hpe mung na chye lu ai. Lai wa lai sa ni hpe gumhpraw hta sha ai majaw, Hpung sara ni hpe mungt n hkyam sa ai grau pyi hta ra ai ngu nna bai jahkrit shagyeng nga ma ai lam shiga na chye lu ai. Hpung Sara ni hpe mung n kam yu ai, nan the hpe grau hta ra ai ngu tsun nna mung masha ni hpe (1000) shah ta tim Hpung Sara ni hpe gaw (2,000) hta la ai lam hpe mung na chye lu ai. Dai majaw buga masha ni gaw, (Pyi-tu-tsit) ni ya na zawn mare masha ni hpe mara kata, jahkrit shama shagyip shagyeng re majaw grai myit n pyaw hkam sha nga ma ai lam, shawng lam shiga lawk kawn na chye lu ai.

fbook youtube fliker