JINGHPAW MUNGDAW MASAT NINGHTOI (JAPAN)

(67) lang na Jinghpaw Mungdaw Ninghtoi hpe, Jinghpaw Wunpawng Amyu Sha Hpung (KNO-Japan) Wuhpung ni hku nna woi awn ai hte Japan du amyu sha ni hku nna, January (4) ya Laban shana daw (5:00 pm ~ 10:00pm) aten, Tokyo, Toshima-Ku, Ikebukuro Kumin Center Gawknu kaw myit hkrum mang-rum awngdang ai hte galaw la lu masai lam shiga na chye lu ai.

Hpawng lamang hpe Hpawng Hpareng  Slg. Hkangda Awng Li hte Jan Jangma Htoi Ra hku nna lit la woi awn ai hte (Daw-2)  garan nhtawm n-gun mi alu galaw lai mat wa masai lam shiga na chye lu ai. Rev. Chyang Maja Tu Shan hpawng hpaw akyu hpyi ai hte lit ang ai myit-su ni hku nna lamang ni hta shang lawm apnawng lai mat wa masai hta sha n-ga, daini amyu sha ni ta tut hkyak hkyak byin hkrum hkra hkam sha shajang nga ai tengman ai mabyin ‘ Chye na sai ’ Video sumla hkrung kadun hpe Power Point  hte htawng madun ai lam, Daw (2) hta Yungwi mahkawn ka manawt hkrang shala, gamung nau ra ni hte shang lawm apnawng lai mat wa masai lam na chye lu ai.
 
Ndai hpawng lamang hta Myen Mungdan Democracy lam hpe ta tut shang lawm n-gun jaw nga ai, Japan Asuya Rapdaw Salang Kaba Mr. Michihiro Ishibashi mung sa du shang lawm shagrau ai hte n-gun jaw shatsam mungga tsun lai mat wa sai hta sha n-ga, kaga Amyu Bawsang Mungchying sha ni, Japan du amyu sha ni, yawng marai (2,00) daram  myit hkrum lahkrip ra ra hte sa du shang lawm shagrau lai mat wa masai lam, Hpawng lamang hpe Rev. Hkangda Brang Ja hku nna chyeju shakawn hpawng hpungdim akyu hpyi ai hte Hpawng lamang hpe angwi apyaw awngdang ai hte hpungdim da lu masai lam shiga na chye lu ai.

Maigan Shiga

October 2017
Mo Tu We Th Fr Sa Su
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

fbook youtube fliker