Shagun Laika

DU KABA SUMLUT GUN MAW HPANG DE SHAGUN LAIKA

 

Tsawra hkungga ai Du Kaba hpang de,

Ndai laika hte hkrum shaga dat lu nngai. Du Kaba ngwi pyaw hkam kaja let myit mang hkawm sa, galaw sa wa ai lam ni yawng awng dang lu u ga ngu akyu hpyi garum ya nngai.

Du Kaba hte Magam gun ni yawng hpe America mungdan kawn kabu gara hkap tau hkalum la ga ai. Ya na zawn Wunpawng Mungdan Shanglawt Asuya magam gun ni kawn America mungdan de du hkra lahkam sa wa ai hpe mu chye lu ai majaw myit n gun mung grai lu ai. Matut nna Du Kaba hte Magam gun ni yawng a ntsa hpang Madu Karai Kasang shaman ya nna galaw sa wa ai magam lam ni yawng awng dang la lu u ga akyu hpyi ya nga na nngai.

Add a comment Read more...

TSAW RA AI CHYURUM WUNPAWNG SHA NI HPANG DE

Tsaw ra ai Chyurum Wunpawng Sha, Nung, Rawang, Lawngwaw, Lashi, Zaiwa, Lisu, Jinghpaw ni yawng hpang de n-gun jaw shatsam dat mayu ai.

Daini na ten gaw Annau ni kahkyin gumdin ai myit hkrum lam n-gun hte myen asuya a dip gamyet tawn ai kata kaw na lawt lu na matu ahkyak dik ai hpang jahtum ninggam kaba nan rai nga sai law. Annau ni shada da nangshoi nangsha nnga hkat ai sha Annau ni a Mungdaw (mungdan)(Kachin State) hpe Annau ni nan dawdan uphkang la lu hkra myit marai, hkumhkrang marai, hpaji marai, ma hkra hte atsam htum jawm shakut la ra ai aten nan rai nga saga ai.

Add a comment Read more...

DR. MANAM TU JA KAWN SANG LANG

Tsaw ra ai Jinghpaw Wunpawng myu sha ni yawng hpang de n'dau shana dat n'ngai.

N'htoi 23.12.2013 ya jahpawt RFA Radio Jinghpaw n'sen kaw n'na shapoi shana ai hta, n'htoi 1.4.2012 ya shani galaw ai Pranwan ra lata poi (by-election) kaw e, ngai Dr. Manma Tu Ja gaw Pyi Htaung Su Chyan Hkeng Ye Pati (USDP) gawng malai dak kasa langai hku Mogaung myo kaw shang shingjawng lawm ai nga n'na tsun shapoi ai lam na lu ai. Dai gaw tsep kawp n'teng ai, shut ai shiga langai mi re.

Teng sha gaw, Mogaung kaw e Pyi Htaung Su Chyan Hkeng Ye Pati (USDP) dak kasa hku shang shingjawng lawm ai wa gaw "Tun Tun Aung" ngu ai wa she re. Ngai gaw mung masa pati gara kaw mung n'lawm ai majaw, pati n'lu ai wa re majaw dinghkrai kasa (Independent Candidate) langai mi hku shang shingjawng lawm ai re. Rai timung, asuya kaw n'na ra lata poi n'galaw ya ai majaw n'lu shang lawm mat ai re.  Mung masa pati n'lu ai masha langai mi hku n'na, ra lata poi kaw pati gawng malai dak kasa hku shang shingjawng lawm na lam n'nga ai. Dai majaw, ngai hku n'na dinghkrai dak kasa hku shang shingjawng lawm na hku shakut yu ai lam rai li ai hpe amyu sha ni yawng asan sha chye na ya na matu n'dai zawn sang lang dat ai rai n'ngai.

Dr. Manam Tu Ja

Myitkyina.

Add a comment

DWI N HPAN JA RA A GARUM HPYI LAIKA

Ngai, Mungdan lu n-ngai!
Ngai, Du magam rai n-ngai!
Yehowa Karai, Ngai hpe jaw sai!
Chyeju Shakawn n-ngai!

N’dai zawn na a myit kraw salum kata hta rawng ai teng yang gaw, lawu na mabyin hpe mung dum shai na re ai, ngu kam dat ai. Nye a Mungdan ngang grin na, Nye a amyu sha ni n htum n-mat na, Ngai gara hku, Shang Lawm ra na kun? ngu n na, dum shai na re ai ngu nna mung, kam kaba hte kam dat n-ngai.
Katsi majan - Labupan kani majan, anhte hpe ka-up dang wa sai le anhte asak si htum mat wa ai ni mung hti n-dang grai law la sai re.
Anhte amyu sha ni si htum mat jang - anhte a mungdan hpe - jasam masha ni dang la, kashun la, up sha, madu la kau ya na sha rai sai.
N dai katsi majan hpe, anhte amyu Sha ni yawng, myit hkrum, n-gun kahkyin, n na - jawm gasat, Shakrip, Shamit, Shanat kau ga i?
Myit hkrum n gun atsam kahkyin n na, anut gasat yang - Padang Dip Sai, Awng Dang Sai. Katsi majan hpe, gasat Shamat kau lu na majan hta, Laknak, hkum Sumhpa, arung arai hkum hkum tsup tsup ra ga ai.

Add a comment Read more...

  •  Start 
  •  Prev 
  •  Next 
  •  End 

Page 1 of 3

fbook youtube fliker