Ga Shagawp

SHAN KATA NA BYET NI

-Tinang a myu hpe tsawra Pawnba ai masha,
Hpyen wa hte galoi mung jinghku nhku nga;

-Tinang a amyu hpe hkrat sum shangun ai masha,
Hpyen wa jaw ai hpa hpe raitim hkap la;

-Tinang a myu hpe jahten sharun ai masha,
Gumhpraw lu na nga jang gaya gahpa rai wa;
 
Add a comment Read more...

SAI MYIPRWI

Goi… Wunpawng labau  lungpa,  N tsawm dik la maka,
Shinggyim ahkaw ahkang kata, Machyi hkrum sha sumhpa,
Sat nat roi rip hkrum sha, Wunpawng mungkan chyam bra,
Chyu pala wan tsi mya mya, Ka-ak Kahka Langda,
Goi e kaning she wa, Myen hpyen sawa gasat gala.

Aga… Rawt malan majan  myu sha, myu tsaw salum kaba,
Laiza Hpyen Du Jawngma,  Share shagan ali ama,
Sai hka Nammukdara, Nawnghkyeng Panglai zawn mya,
Myu sha malai hkungga, du daw sai hkaw yawng hkra,
Maroi nni la nga, baw gum shagrau hkungga.

Oh…Annau ni hpe tsawra, sin dun sumri Karai Wa,
Daini annau ni wa, hkrap ngu jahtau wu wa,
Matsan dum lama dun la, Wunpawng Mungdan du hkra,
Padang lam gaw Yehowa, Ga shagawp 21: 31 tsun da,
Sai myiprwi si deng latsa, galoi hkoi wai lu na.

Bumwa Hkri Ma (Fuji Majoi)  

Add a comment

CHYINGHKAI WA

Shinggyim mungkan pinra
Chyinghkai hta grau n nga,
Nu a hkritung kata
Sai tum sai pa ten na,
Kyuhpyi n-gun kaba
Wa myit lit li pu ba,
Salum htuk htak kahpra
Kaning rai chyinghkai sa na.

Add a comment Read more...

WUNPAWNG

Rudi rum, maka hkrum
Dai Pawngyawng a Wunpawng
Jinghpaw Lawngwaw
Lachid Rawang
Lusu hte Zaiwa
Mayu dama, Kahpu Kanau
Myit hkrum mang rum
Majoi Shingra dai Ga kaw na
Yu hkrat wa ai Myu Sha ni rai
Nang grau, Ngai grau
Nangshoi Nangsha
Ru sai ginghka, Amyu shaja
Ga tsun ga law, bau dum bau maw
Dai ga malai, Wunpawng a mahtai
Bau mung nmaw, Ga mung nlaw
Pandung langai, Wunpawng myit ai
Dai Mungdan de, lahkrip ra let
Lahkam sa ga
Tsaw ra WUNPAWNG

Tawk Hkam
5/7/2014

Add a comment

Page 1 of 15

fbook youtube fliker